Aqtóbede jol erejesin jıi buzatyn sheteldik nómirli kólikterdiń tizimi jasalyp jatyr

<p>AQTÓBE. KAZINFORM &ndash; Aqtóbe qalasynda eki aı buryn iske qosylǵan beınebaqylaý kameralar 58 myńnan astam buzýshylyqty tirkedi. Qazirgi kezde sheteldik nómiri bar kóliktertiń tizimi jasalyp, barlyq bólimderge taratyldy.</p>

Aqtóbe oblysynda jolaýshylar tasymaldaý erejesin saqtaý jáne olardyń qaýipsizdigin qamtamasyz etý maqsatynda «Tasymaldaýshy» aldyn-alý sharasy ótip jatyr. Sonymen birge sheteldik nómiri bar kólik ıeleriniń jol-kólik erejesin saqtaý tártibi qabylaýǵa alyndy. 

- Qazirgi kezde qaladaǵy beınekameralardyń kómegimen sheteldik nómiri bar kólikterdiń ıesin anyqtap, olardyń tizimin bólimderge taratyp jatyrmyz. Olar kóbine jyldamdyqty saqtamaǵan. Saldarynan bir kólikke 3 mln teńgeden astam aıyppul salyndy. Ol aınaldyrǵan eki aıda osyndaı aıyppul arqalap otyr. Bir kólikpen 100-den astam buzýshylyq jasaǵan. Bárinde derlik jyldamdyqty asyrdy. Eger bir kólik ıesi eki ret buzýshylyq jasasa, kólik ıesin izdeımiz. Endi sol kólik únemi baqylaýda bolady,- dedi Aqtóbe qalalyq PB bastyǵynyń birinshi orynbasary Mırhan Esenjolov. 

Aıta keteıik, 16 tamyzdan bastap jyldamdyqty ólsheıtin 66 avtomattandyrylǵan beınebaqylaý kamerasy iske qosyldy. 

Eki aıda 58 myńnan astam jol júrý erejesi buzýshylyqtaryn tirkedi. Onyń ishinde 4 myńǵa jýyǵy jyldamdyqty saqtamaǵan 400 sheteldik tirkeýdegi avtokólik ıeleri bolyp shyqty. Aqtóbe qalalyq polıtsııa basqarmasy qyzmetkerleri 35 mln teńge qaryzy bar sheteldik tirkeýi bar 42 avtokólikti anyqtap, arnaıy turaqqa qoıdy. 

- Qalada jol-kólik oqıǵasy kóbeıdi. Bıyl 32 adam kóz jumdy, 200-den astam adam zardap shekti. Aıyp turaǵyna qyzmettik kólik te jetkiziledi. Olar kóp emes. Júrgizýshileri arasynda masań kúıde rýlge otyratyndary bar,- dedi Mırhan Esenjolov.