Aqtóbede jol apaty kezinde júrgizýshi kóz jumdy

AQTÓBE. QazAqparat – Samara-Shymkent tasjolynda eki kólik soqtyǵysyp, biriniń júrgizýshisi oqıǵa ornynda kóz jumdy, dep habarlaıdy QazAqparat tilshisi.

Oqıǵa Samara-Shymkent tasjolynyń 788-shaqyrymynda boldy.

«Toyota Alphard» avtokóliginiń 32 jastaǵy júrgizýshisi Hromtaý qalasynan Aqtóbe qalasyna qaraı baǵyt alyp, basyp ozý kezinde qatelik jiberdi.

Sóıtip qarsy bette kele jatqan «Mitsubishi Lancer» avtokóligimen soqtyǵysqan.

«Saldarynan «Mitsubishi Lancer» avtokóliginiń júrgizýshisi oqıǵa ornynda kóz jumdy. Aqtóbe oblystyq PD barlyq jol qozǵalysynyń qatysýshylaryn jol qozǵalysy erejesin qatań saqtaýdy eskertedi», - dedi oblystyq PD baspasóz qyzmetiniń jetekshisi Erbolat Sarqulov.

Aıta keteıik, dál osy Samara-Shymkent avtojolynyń 692 shaqyrymynda Mercedes-Benz kóligi aýdarylyp qaldy.

Qobda aýdanynan Aqtóbe qalasyna baǵyt alǵan júrgizýshi Marjanbulaq aýylyna jaqyn mańda rýlge ıe bola almaı qalǵan.

«Jol-kólik oqıǵasy saldarynan avtokólik órtenip ketti. Sonymen qatar 38 jastaǵy júrgizýshisi oqıǵa ornynda kóz jumdy. Al eki jolaýshy Aqtóbe qalasynyń aýrýhanasyna jatqyzyldy. Aqtóbe oblysy Polıtsııa departamenti barlyq júrgizýshilerdi jol qozǵalysy erejelerin qatań saqtaýǵa shaqyrady», - dedi oblystyq PD baspasóz qyzmetiniń jetekshisi Erbolat Sarqulov.