Aqtóbede jol apaty kezinde 3 sheteldik kóz jumyp, ekeýi aýrýhanaǵa tústi

<p>Samara-Shymkent tasjolynyń Qobda aýyly mańynda eki kólik soqtyǵysty. Úsh adam kóz jumdy. Olar - Ózbekstan jáne Tájikstan azamattary, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Foto: Aqtóbe oblystyq PD baspasóz qyzmeti

Oqıǵa 29 qazan kúni boldy. Samara-Shymkent tasjolynyń 606-shaqyrymynda «Kia-Rio» avtokóliginiń 34 jastaǵy júrgizýshisi Batys Qazaqstan oblysynan Aqtóbe oblysynyń Qobda aýylyna qaraı kele jatqan «Chevrolet-Captiva» avtokóligimen soqtyǵysqan. «Kia-Rio» avtokóliginiń júrgizýshisi — Tájikstan, al «Chevrolet-Captiva» avtokóliginiń júrgizýshisi — Ózbekstan eliniń azamaty.

Foto: Aqtóbe oblystyq PD baspasóz qyzmeti

— Apat saldarynan eki júrgizýshi jáne «Chevrolet-Captiva» jolaýshysy oqıǵa ornynda kóz jumdy. Sondaı-aq, eki kólik quralynyń eki jolaýshysy ártúrli jaraqatpen Qobda aýdandyq aýrýhanasyna jatqyzyldy. Jol-kólik oqıǵasy boıynsha QR QK 345-baby 4-bóligimen sotqa deıingi tergeý bastaldy, — dedi oblystyq PD baspasóz qyzmetiniń jetekshisi Erbolat Sarqulov.

Foto: Aqtóbe oblystyq PD baspasóz qyzmeti

Qobda aýdandyq aýrýhanasy bas dárigeriniń emdeý isi jónindegi orynbasary Ádilbek Ismaılovtyń aıtýynsha, 40 jastaǵy Ózbekstan azamaty mı jaraqatymen túsken. Betinde túrli ashyq jaraqat boldy. Sonymen birge sol jaqtaǵy 2-9 qabyrǵa aralyǵynda jabyq yǵysqan synyǵy tirkeldi. Ony Aqtóbe medıtsına ortalyǵyna jiberý úshin daıyndap jatyr.

- Sonymen birge 12 jasar Tájikstan azamaty aýrýhanaǵa óte aýyr jaǵdaıda jetkizildi. Mı jaraqaty bar. Sonymen birge eki aıaqtyń san súıeginiń yǵysqan jabyq synyǵy tirkeldi. Ony Aqtóbe qalasyndaǵy balalar aýrýhanasyna jiberdik, emin sonda jalǵastyrady,- dedi Qobda aýdandyq aýrýhanasy bas dárigeriniń emdeý isi jónindegi orynbasary Ádilbek Ismaılov.