Aqtóbede joq malǵa sýbsıdııa alǵan eks-depýtat sottaldy

<p>AQTÓBE. KAZINFORM &ndash; Qylmystyq kodekstiń &laquo;Alaıaqtyq&raquo; baby boıynsha aıyptalǵan eks-depýtat 6 jylǵa bas bostandyǵynan aıyryldy. Ol joq malǵa sýbsıdııa alǵan.</p>

№2 Aqtóbe qalalyq sotynda kásipker ári eks-depýtat isi qaraldy. Іs materıalyna súıensek, sottalýshy sharýa qojalyǵy atynan jem-shópke sýbsıdııa alýǵa ótinish bergen. Al shyn máninde ol kórsetken mal múlde bolmaǵan.

Sondaı-aq «Sybaǵa» memlekettik baǵdarlamasy boıynsha «Agrarlyq nesıe korporatsııasy» AQ arqyly 600 bas iri qara mal satyp alýǵa bergen nesıe qarajatyn zańsyz alǵan. Búgin osy is boıynsha sot úkimi shyqty.

- Asylbek Nurgeldın Qylmystyq kodekstiń «Alaıaqtyq» baby boıynsha aıypty dep tanylyp, 6 jylǵa bas bostandyǵynan aıyrý jazasy taǵaıyndalsyn. Jazasyn óteý orny qaýipsizdigi ortasha túzetý mekemesi dep belgilensin. Aqtóbe oblystyq aýyl sharýashylyǵy basqarmasynyń aryzy qanaǵattandyrylyp, 67 248 900 teńge óndirilsin, - dedi sýdıa Sandýǵash Izbagambetova. 

Sonymen birge «Agrarlyq nesıe korporatsııasy» AQ-nyń aryzy Azamattyq sotta qaralady.

Aıta keteıik, eks-depýtattyń qamaýda otyrǵanyna bir jylǵa jýyq ýaqyt boldy.