Aqtóbede joǵalyp ketken oqýshy úıine ózi oraldy

<p>Aqtóbe qalasynda joǵalǵan oqýshy úıine ózi oraldy. Polıtsııaǵa anasymen urysyp qalǵan soń ketip qalǵanyn aıtqan, dep habarlaıdy <a href="https://kaz.inform.kz/lenta/" target="_blank" rel="noopener">QazAqparat </a>tilshisi.</p>

Aqtóbe qalasynda keshe keshkilik úıinen shyǵyp ketken oqýshy qyz búgin tústen keıin ǵana oraldy.

"Oqýshynyń úıine oralǵany ras. Qaıda bolǵanyn suraǵanda qurbysynyń úıine qonyp shyqqanyn aıtty. Anasymen urysyp qalǵan soń osy áreketke bardym dep otyr. Qazir túsindirý jumystary júrip jatyr. Qyz ata-anasymen birge turady. Osy oqıǵadan soń otbasy esepke alynady ",- dedi oblystyq PD baspasóz qyzmeti Erbolat Sarqulov.

Eske salsaq, búgin eriktiler men muǵalimder, polıtsııa Bolashaq shaǵyn aýdanyndaǵy úıinen shyǵyp, habarsyz ketken oqýshyny izdedi. Onyń qolynda uıaly telefony bolǵan. Alǵashqy kezde sóndirýli turǵanymen, búgin qosyp, óziniń oralatynyn aıtqan. Ol 7 synyptyń oqýshysy.