Aqtóbede joǵalyp ketken oqýshy dosynyń úıinen tabyldy

<p>Aqtóbede bir táýlik boıy úıine oralmaǵan mektep oqýshysy dosynyń úıinen tabyldy, dep habarlaıdy <a href="Kazinform." target="_blank" rel="noopener">Kazinform.</a></p>

Aqtóbe qalasyndaǵy mektepterdiń birinde 7 synypta oqıtyn Ádil Nazenov bir kúnnen soń dosynyń úıinen tabyldy. Ol 9 qańtar kúni túnde joǵalyp ketken bolatyn. 

- Ol ata-anasymen sózge kelip, úıinen ketip qalǵan. Polıtsııa qyzmetkerleri jan-jaqty izdeý jumystaryn júrgizip, arada bir kún ótken soń dosynyń úıinen tapty. Qazirgi kezde ata-anasymen, balamen túsindirý jumysy júrgizildi, - dedi oblystyq PD baspasóz qyzmetiniń jetekshisi Erbolat Sarqulov.

Qazir óńirde reıd ótip jatyr. Polıtsııa jasóspirimderdi baqylaýǵa alǵan. Jyl basynan beri 170-den astam jasóspirim polıtsııa bólimderine jetkizilip, ata-analary shaqyrtyldy. Keıbirinen alyp júrýge tyıym salynǵan zattar tabyldy. 

- Aqtóbe oblystyq bilim basqarmasymen birge aýqymdy jumys atqarǵymyz keledi. Ár on kún saıyn quqyqbuzýshylyq jasaǵan jasóspirimderdi bir ortaǵa jınap, ata-analarymen, muǵalimdermen kezdesý uıymdastyrý qajet dep oılaımyz, - dedi oblystyq PD bastyǵynyń birinshi orynbasary Ardana Saımaǵambetov.