Aqtóbede joǵalǵan erekshe balany 500-ge jýyq adam izdep jatyr

<p>AQTÓBE. KAZINFORM &ndash; Aqtóbe qalasynda kesheden beri 13 jastaǵy Kárim Jetirý izdestirilip jatyr. Erekshe kútimdi qajet etetin jasóspirimdi sýdan da, orman men dalaly jerden da izdeýge 500-ge jýyq adam jumyldyryldy.&nbsp;</p>

Kárim Jetirý keshe saǵat 17:00 shamasynda ájesiniń úıinen ketken. Onyń aýladan shyǵyp, belgisiz baǵytqa qaraı bet alǵany kórshi úıdiń beınebaqylaý kamerasyna túsip qalǵan. Polıtsııa men eriktiler sodan beri izdeý jumysyn toqtatqan joq. 

Kárim Jetirýdi izdestirý jumysy jalǵasyp jatyr. Balany izdeýge 500-ge jýyq adam tartyldy. Onyń ishinde polıtsııa, tótenshe jaǵdaılar qyzmetkerleri bar. Eriktiler men qyzmettik ıtter de jumyldyryldy.

– Barlyǵy 40 tehnıkany izdeý jumysyna qosyp otyrmyz. Atap aıtqanda 3 kvadrotsıkl, 2 qaıyq, 4 atty polıtsııa, drondar da bar. Polıtsııaǵa habar túsken sátten bastap úı aýlalary, shatyrlar, káriz shuńqyrlary, orman jáne dalalyq tekserilip jatyr. Qoǵamdyq tamaqtaný oryndary men dúkender, saýda oryndary tekserilýde, - dedi Aqtóbe qalalyq polıtsııa basqarmasynyń bastyǵy Áset Qalıev. 

Foto: Aqtóbe oblystyq PD baspasóz qyzmeti

Onyń aıtýynsha, bala turatyn aýmaq kartadan belgilenip, polıtsııa ol jerlerdi tolyq sholyp shyqty. Іzdeý jumysy ary qaraı jalǵasa beredi.