Aqtóbede jerdi zańsyz bergen birneshe laýazymdy qyzmetker tergelip jatyr
Sybaılas jemqorlyqqa qarsy qyzmettiń Aqtóbe oblysy boıynsha departamenti oblys jáne qala ákimdigi basshylarynyń, qoǵamdyq uıym ókilderiniń qatysýymen jer qatynastary salasyndaǵy sybaılas jemqorlyqqa qarsy is-qımyl máselelerin talqylady.
Bul sala áli de jemqorlyqqa beıim bolyp tur.
«Ekologııa, jol, qurylyspen qatar jer qatytastary suraǵy ózekti. Áli de jer ýchaskesin bólý kezinde ashyqtyq saqtalmaıdy. Jer teliminiń maqsatyn ózgertý kezinde de qıturqy áreketter tirkeledi. Kommertsııalyq jer telimderi durys bólindegen. Departament «Aqtóbe» ÁKK» AQ laýazymdy tulǵalaryna qatysty isti qarap jatyr. Olar ınvestıtsııalyq joba dep jerdi tómen baǵaǵa berip jibergen. Memleketke keltirilgen shyǵyn 400 mln teńgeden asady. Qazirgi kezde 169 jer telimi buǵattaldy. Sonymen birge kásipkerlerdi albap-arbap 1,3 mln teńge aqsha alǵan qalalyq ákimdik qyzmetkeri de anyqtaldy. Ol iske de qatysty tergeý jalǵasady. Sonymen birge bıyl oblystaǵy aýdandardyń birinde jer qatynastaryna jaýapty maman kásipkerden para alǵan. Ol kásipkerge jer telimin berýge ýáde etken. Sonymen birge qalalyq jer qatynastar bóliminiń laýazymdy tulǵasyna qatysty qylmystyq is tergelip jatyr. Ol sý qorǵaý aýmaǵyndaǵy jerdi jekege berip jibergen», - dedi Sybaılas jemqorlyqqa qarsy qyzmettiń Aqtóbe oblysy boıynsha departament basshysynyń birinshi orynbasary Almat Myrzalıev.
Aıta keteıik, 2021 jyly departamentke túsken 64 aryzdyń 21-i jer qatynastaryna tıesili boldy.
«Sońǵy jyldary jeke kásipkerlerdi bryp tekserý maratorııge baılanysty toqtatyldy. Soǵan qaramastan sóılesý, túsindirý jumystaryn júrgizý arqyly byltyr 530 myń ga jer qaıtarylǵan bolsa, bıyl 396 myń ga jer qaıtyrylyp otyr. Jumys jalǵasady. Jaıylymdyq jer de - úlken máseleniń biri. Keıbir aýdanda jetispeýshilik baıqalady. Bıyl oblys boıynsha 195 myń gektarǵa ulǵaıtý josparlandy. Bes aýdanda 124 myń gektarǵa ulǵaıdy. Sharýa qojalyqtary paıdalanbaı, memleketke qaıtardy», - dedi oblystyq aýylsharýashylyǵy basqarmasynyń basshysy Isataı Esmaǵambetov.