Aqtóbede jeńil jáne júk kóligi soqtyǵysyp, eki adam tirideı janyp ketti

<p>Aqtóbe qalasy mańynda júk jáne jeńil kólik soqtyǵysty. Oqıǵa kezinde jeńil kólik ishindegi júrgizýshi men jolaýshy janyp ketti, dep habarlaıdy Kazinform.</p>

Oqıǵa Aqtóbe-Bogoslovka tasjolynda boldy. Búgin saǵat 17:30-da Baýyrlastar turǵyn alabynyń mańynda «Toyota Estima» avtokóligi «Zıl» júk avtokóligimen soqtyǵysty. Saldarynan jeńil kólik órtenip ketti.

Foto: oblystyq PD baspasóz qyzmeti.

- Jol-kólik oqıǵasy saldarynan «Toyota Estima» avtokóliginiń júrgizýshisi men jolaýshysy oqıǵa ornynda qaza tapty. Jol-kólik oqıǵasy faktisi boıynsha sotqa deıingi tergeý bastaldy. Polıtsııa departamenti kólik júrgizýshilerin jol erejelerin qatań saqtaýǵa shaqyrady, - dep habarlady oblystyq PD baspasóz qyzmetiniń jetekshisi Erbolat Sarqulov.

Al Aqtóbe oblystyq densaýlyq saqtaý basqarmasynyń basshysy Rústem Isaevtiń aıtýynsha, jol-kólik apaty kezinde janyp ketken júrgizýshiniń jasy men ultyn anyqtaý múmkin bolmaǵan.

Olar jedel járdem jetkenshe kóz jumǵan. Al júk kóliginiń 51 jastaǵy júrgizýshisi medıtsınalyq kómekti qajet etpegen.