Aqtóbede jel elektr stansalary salynady

AQTÓBE. QazAqparat - Aqtóbe oblysynyń ákimi  Berdibek Saparbaev men «ArmWind» kompanııasynyń dırektory Abramo Ferdınando óńirdegi eki aýdanda jel elektr stansalaryn salý jónindegi memorandýmǵa qol qoıdy, dep habarlaıdy QazAqparat tilshisi.

Aqtóbe oblysynyń Mártók jáne Qarǵaly aýdandarynda endi jel elektr stansasy salynady. «ENI» jáne «Genera lElectric» kompanııalary jańa jobalarǵa ınvestıtsııa salýǵa ázir. Qarǵalyda qýattylyǵy 48 MVt bolady.

«Oblys ákimi Berdibek Saparbaev pen «ArmWind» kompanııasynyń dırektory Abramo Ferdınando bıznes-keńestiń otyrysynda tıisti memorandýmǵa qol qoıdy. Jel elektr stantsııasynyń jyldyq qýattylyǵy 190 GVt-qa teń. Investıtsııa kólemi shamamen 100 mıllıon eýrony qurady. Nysannyń qurylysy osy jyldyń tórtinshi toqsanynda bastalyp, 2019 jyldyń sońynda paıdalanýǵa beriledi. Qurylys kezeńinde 300 jumys orny qurylady»,- dep habarlady oblys ákiminiń baspasóz qyzmeti.

Іskerlik jıynǵa «Qazhrom» TUK, «SinopecGroup», «SNPS-Aqtóbemunaıgaz» AQ ókilderi qatysyp, óndiristi jańǵyrtýǵa arnalǵan Jol kartasyna qol qoıyldy.   

«Ótken jyly Prezıdent Nursultan Nazarbaev «Tórtinshi ónerkásiprik revolıýtsııa jaǵdaıyndaǵy damýdyń jańa múmkindikteri» týraly jarııalady. Biz onyń elementterin engize otyryp, jyldyń qorytyndysy boıynsha jalpy somasy 85 mıllıard teńgege 42 kompanııany jańǵyrtýymyz kerek. Bul ınvestıtsııalardy ulǵaıtýdy talap etedi», - dedi Berdibek Saparbaev.

Aıta keteıik, jalpy alǵanda Aqtóbede «EKSPO-2017» halyqaralyq kórmesindegi 6 ınnovatsııalyq tehnologııa engizildi. Nátıjesinde ken óndirýdiń ózindik quny 1,5 paıyzǵa tómendep, munaı óndirisi 10 paıyzǵa ósti.