Aqtóbede jel elektr stantsııasy iske qosyldy
Búgin Aqtóbe oblysyna Italııanyń Qazaqstandaǵy Tótenshe jáne ókiletti elshisi Paskýale D’Avıno keldi. Ol jel elektr stantsııasynyń iske qosylý saltanatty sharasyna qatysty. Ekologııalyq taza elektr energııasyn óndirý salasyndaǵy pılottyq jobany iske qosý rásimine Aqtóbe oblysynyń ákimi Ońdasyn Orazalın, Ortalyq Azııa aımaǵy boıynsha «Eni» kompanııasynyń atqarýshy vıtse-prezıdenti Lýka Vınıatı, «Arm Wind» JShS Basqarýshy dırektory Aleks Alfı Stıllavato, «General Electric» jáne «BI Group» kompanııalarynyń, óńirdiń memlekettik organdary men damý ınstıtýttarynyń ókilderi bardy.
«Búgin Aqtóbe oblysynyń ekonomıkasy úshin mańyzdy kún. Elbasy sheteldik ınvestorlardy iri transulttyq korporatsııalardy ekonomıkanyń basym sektorlaryna tartýǵa asa nazar aýdardy. Biz óńirdegi jańartylatyn energııa kózderi salasyndaǵy alǵashqy ári pılottyq jobany iske qosqaly turmyz. «Jasyl ekonomıkaǵa» kóshý elimizdiń damý jolyndaǵy alǵa qoıǵan maqsattarynyń biri», - dep atap ótti óńir basshysy Ońdasyn Orazalın.
Jel elektr stantsııasynyń jyldyq qýaty - 48 MVt. Quny - 33 mıllıard teńge. Stantsııa 20 myń adamdy jaryq kózimen qamtamasyz etýge múmkindik beredi. ıAǵnı, Qarǵaly aýdany turǵyndaryn elektr energııasymen tolyq qamtýǵa bolady. 2020 jyly jel elektr stantsııasynyń ekinshi kezeńi iske asyrylatyn bolady.
«Bizdiń mindetimiz - óńirde bıznes júrgizý úshin ınvestorǵa qolaıly jaǵdaı jasaý. Osy oraıda «Eni» kompanııasynyń jobaǵa 100 mıllıon dollar ınvestıtsııa salýy bılik tarapynan jasalǵan qoldaýdyń nátıjesi bolyp tabylady», - dedi Ońdasyn Orazalın.