Aqtóbede jeke jaǵajaıda 17 jastaǵy jigit sýǵa ketti
Oqıǵa 1 tamyz kúni saǵat 17:30-da boldy. Aqtóbe oblystyq Tótenshe jaǵdaılar departamenti kezekshi-dıspetcherlik bólimine «Aqkemer» jeke jaǵajaıynda jigittiń sýǵa ketkeni týraly habarlama tústi.
«Elek ózenine 17 jastaǵy jigit batyp ketti. Qutqarýshylar onyń denesin úsh metr tereńdikten taýyp aldy. Sonymen birge jeke jaǵajaı qutqarýshylary 18 jastaǵy jigitti qutqarǵan. Oblystyq TJD sýǵa túsý erejesin qatań saqtaýǵa taǵy da shaqyrady», - dedi oblystyq TJD-niń baspasóz qyzmetinen.
Aıta keteıik jyl basyna beri oblysta 20 adam sýǵa ketti. Onyń 9-y bala.
Eske salsaq, birer kún buryn Aqtóbede úsh adam sýǵa ketti. Onyń ekeýi bir otbasynyń eki balasy. Oblystyq TJD baspasóz qyzmetiniń habarlaýynsha, 18 jastaǵy jigit qaýipti, shomylýǵa tyıym salynǵan jerge sýǵa túsken. Onyń denesi jaǵadan 10 metr qashyqtyqta, 3 metr tereńdikten tabyldy. Sonymen birge Zarechnyı-1 turǵyn alabyndaǵy kópir mańynda 2009 jáne 2011 jyly týǵan eki bala sýǵa ketti. Olardyń denesi tabyldy. Ekeýi de bir otbasynyń balasy. Bul jer – sýǵa túsýge tyıym salynǵan aýmaq.