Aqtóbede jedel járdemge jasalǵan hakerlik shabýyldan soń qylmystyq is qozǵaldy

<p>Aqtóbede jedel járdem beketindegi baılanys nómiri istep shyǵyp, hakerlik shabýyldan soń polıtsııa qylmystyq is qozǵady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Aqtóbe qalasyndaǵy jedel járdem beketiniń 103 nómiri isten shyǵyp, 5-7 qarasha kúnderi birneshe saǵat baılanys úzildi.

Baılanysshylar tekserý júrgizip, hakerlik shabýyl jasalǵanyn anyqtady.

Aqtóbe oblystyq Polıtsııa departamenti baspasóz qyzmetiniń habarlaýynsha, osy oqıǵadan soń Qylmystyq kodekstiń «aqparattyq júıeniń nemese telekommýnıkatsııalar jelisiniń jumysyn buzý» baby boıynsha is qozǵaldy.

Qazir tergeý júrip jatyr.

11 qańtar kúni keshkilik taǵy da 103 qyzmetine habarlasý múmkin bolmady.

— Shaqyrtýdy Ahýaldyq ortalyq arqyly qabyldaıdy. Jedel járdem beketindegi baılanysty qalpyna keltirý úshin «Qazaqtelekom» AQ jumys istep jatyr, — dedi oblystyq densaýlyq saqtaý basqarmasynyń basshysy Rústem Isaev.

Tehnıkalyq kedergilerge baılanysty ahýal ortalyǵy da [phone], [phone], [phone], [phone] baılanys nómirlerin habarlady.