Aqtóbede jedel járdem qyzmetkerleri naýqasqa omby qardy keship bardy

<p>AQTÓBE. KAZINFORM &ndash; Aqtóbe oblysy Hromtaý aýdanynda jedel járdem qyzmetkerleri shaqyrtýǵa jarty joldan jaıaý bardy.</p>

Aqtóbe oblysynda áli de boran soǵyp tur.

Óńirdegi búkil kommýnaldyq jáne tótenshe jaǵdaılar qyzmeti kúsheıtilgen rejımde jumys istep jatyr.

Sonyń ishinde jedel járdem qyzmeti de kóp qıyndyqqa tap boldy.

Hromtaý aýdanynyń ortalyǵynda bir brıgada kólikti orta jolda qaldyryp, júregi syr bergen naýqasqa jaıaý jetti. 

- Hromtaý qalasynda júregi aýyryp jatqan naýqastan shaqyrtý tústi. Jarty jolǵa kólikpen jetip, keıin ony tastap, jaıaý shyqtyq. Sebebi kósheni qar basyp qalǵan eken. Qardy ombylap, keship júrýge týraly keldi. Sol kezde men «asa qıyn jaǵdaı bolmasa shaqyrtý mańyzdy emes» degenge keltirip, vıdeo túsirdim. Ári oblystaǵy dıspetcherlerge jolda ekenimizdi, naýqasqa túsindirip aıtýdy suradyq. Jaıaý jarty saǵat pa, bir saǵattaı ma júrdik. Jel qatty bolyp, alǵa jyljý qıynǵa soqty. Ári 2-3 qadam attasa, bir-birin tappaı qaldy. Sol kúni bári túsinistik tanytty. Negizi shaqyrtýǵa ózimiz bardyq, al jol jabyq, jete almaǵan jerde tótenshe jaǵdaı qyzmetkerleri jiberildi,-dedi aǵa feldsher Saıa Rysbaı.

Ol 2020 jyldan beri jedel járdem qyzmetinde jumys isteıdi. Ári aýdanda tótenshe jaǵdaı jıi bolatynyn jasyrmady. 

Fotoda Saıa Rysbaı. Jeke muraǵatynan

- Aýdan Samara-Shymkent tasjolynyń boıynda ornalasqan. Munda tótenshe jaǵdaı jıi bolady. Keıde jol-kólik apattary bolǵan jerge de baramyz,- dedi ol. 

Aqtóbe oblystyq jedel járdem qyzmeti bas dárigeriniń orynbasary Dastan Netalınnyń aıtýynsha, qazir bári shtattyq rejımde jumys istep jatyr.