Aqtóbede jedel járdem qyzmetkeri áriptesiniń páterin órtep jiberdi
Іs Aqtóbe qalasynyń №2 sotynda qaraldy. Jedel járdem qyzmetiniń júrgizýshisine Qylmystyq kodekstiń 202-baby 2-bóliginiń 1-tarmaǵy boıynsha aıyp taǵyldy. Júrgizýshi ot qoıý arqyly bótenniń múlkin qasaqana joıǵany úshin sot aldynda jaýap berdi. Oqıǵa bıyl shilde aıynda boldy. Sottalýshy jumys kezinde áriptesimen urysyp qalady. Naqtylasaq, kezekti eńbek demalysyn bermegeni úshin janjaldasady.
«Sottalýshy páterdiń qosymsha kilti bar ekeni esine túsip, jábirlenýshiniń múlkin qasaqana joıý nemese búldirmek bolady. Onyń úıine taksımen baryp, ózinde bolǵan qosymsha kiltpen ashyp kirip, páter ishin aralaıdy. Keıin jatyn bólme esiginde ilinip turǵan shalbardy jaǵyp ketedi. Ottyqty ol ala barǵan. Sottalýshy taǵylǵan aıyp boıynsha kinásin tolyq moıyndady. Sot úkimimen sottaýshy kináli dep tanylyp, oǵan probatsııalyq baqylaý belgileýmen 3 jyl merzimge bas bostandyǵyn shekteý jazasy taǵaıyndaldy. Jábirlenýshiniń talap aryzy shyǵynnyń ótelýine baılanysty qanaǵattandyrylmady. Sot úkimi zańdy kúshine engen joq»,- dep habarlady Aqtóbe qalasynyń №2 sotynyń baspasóz qyzmeti.
Eske salsaq, Aqtóbe oblystyq medıtsınalyq jedel járdem beketinde kólikterdiń 30% jaramsyz. Oblysta 93 brıgada jumys isteý tıis bolsa, sonyń tek 52-si ǵana bar.