Aqtóbede jedel járdem qyzmeti baılanys aıasynan tys bolyp qaldy

<p>Aqtóbe oblysy boıynsha jedel járdemniń 103 nómiri istemeı tur. Eki kún boıy bir qosylyp, bir ajyrap, turǵyndardy ábigerge saldy, dep habarlaıdy <a href="Kazinform" target="_blank" rel="noopener">Kazinform</a>.</p>

Jedel járdem qyzmetindegi ınternettiń úzilýi 5-qańtar saǵat 21:27-den bastaldy. Saǵat 01:40-da qaıta qalpyna keltirilgenimen, 6-qańtar kúni saǵat 17:25-te qaıta sóndi.

Oblystyq jedel jáne shuǵyl medıtsınalyq kómek stantsııasynyń ákimshiligi ınternettiń jáne 103 telefon nómiriniń ajyratylýyna baılanysty turǵyndarǵa habarlama taratty.

- Jedel járdem shaqyrtý úshin ýaqytsha 112 nómirine, sondaı-aq Call-ortalyqtyń 109 nomerine qońyraý shalýdy suraıdy. "Transtelekom" AQ mamandary jelide paıda bolǵan aqaýdy joıý úshin jumys jasap jatyr. Jedel medıtsınalyq kómek stantsııasynyń basshylyǵy osy jaǵdaı boıynsha keshirim suraıdy, - dep habarlady oblystyq Densaýlyq saqtaý basqarmasy.