Aqtóbede jaıaý júrginshini kólik qaǵyp, mert boldy

<p>AQTÓBE. KAZINFORM &mdash; Aqtóbede 48 jastaǵy jaıaý júrginshini kólik qaǵyp ketti. Ol oqıǵa ornynda kóz jumdy.</p>

Oqıǵa búgin saǵat shamamen 20:00-de Aqtóbe qalasy Aqjar-2 turǵyn alabynda boldy. 

— «VAZ 2110» avtokóliginiń júrgizýshisi júrginshini qaǵyp ketti. Saldarynan ol oqıǵa ornynda kóz jumdy, — dedi Aqtóbe oblystyq PD baspasóz qyzmetiniń jetekshisi Erbolat Sarqulov.

Eske salsaq, 1 jeltoqsan kúni Aqtóbe qalasynda 3 jasar qyzdy kólik taptap ótti. Rólde bolǵan 29 jastaǵy júrgizýshiniń ishimdik ishpegeni anyqtaldy. Osy oqıǵaǵa baılanysty Qylmystyq kodekstiń 345-baby boıynsha is qozǵaldy, tergeý júrip jatyr.