Aqtóbede jaıaý júrginshi kóz jumdy

AQTÓBE. QazAqparat – Aqtóbede joldy kesip ótpek bolǵan júrginshini kólik qaǵyp, 63 jastaǵy turǵyn kóz jumdy, dep habarlaıdy QazAqparat tilshisi.

Jol-kólik oqıǵasy Aqtóbe qalasynyń mańynda boldy. «ToyotaAvensis» markaly kóliktiń 59 jastaǵy júrgizýshisi Baýyrjan Momyshuly dańǵylymen júrip, Beıbitshilik kóshesi baǵytyna qaraı qozǵalǵan. Avtoqalashyq aıaldamasy mańynda rettelmeıtin jaıaý júrginshiler ótkelinde jaıaý júrginshini qaǵyp ketti.

«Jol-kólik oqıǵasy saldarynan 63 jastaǵy jaıaý júrginshi alǵan jaraqatynan oqıǵa ornynda kóz jumdy. Qylmystyq kodekstiń «Jol qozǵalysy erejesin buzý» baby boıynsha sotqa deıingi tergeı bastaldy», - dep habarlady oblystyq PD baspasóz qyzmeti.

Buǵan deıin habarlaǵanymyzdaı, Shubarqudyq aýyly men Qandyaǵash qalasy arasynda jol-kólik apaty bolyp, tórt adam aýrýhanaǵa tústi, jolaýshy kóz jumdy. VAZ-2114 avtokóliginiń 27 jastaǵy júrgizýshisi aýyldan Qandyaǵash qalasy baǵytynda kele jatyp, rýldi basqara almaı, qarsy qozǵalysqa arnalǵan jolaqqa shyǵyp ketken. Sol kezde «Nissan Teana» avtokóligimen soqtyǵysqan.