Aqtóbede Jastar jyly qorytyndylandy
«Zhas Barys - 2019» forýmyna belsendiler jınaldy. Úzdikterdi anyqtaý barysynda jastardyń jyl boıy atqarǵan jumystary men jetistikteri eskerildi.
«Elbasy Jastar jylynyń saltanatty ashylýynda jastardy jumyspen, baspanamen qamtamasyz etý, suranysqa ıe mamandyqtardy ıgerý, jastar kásipkerligin qoldaý, volonterlik qyzmetti jandandyrý, patrıottyq uıymdardy kúsheıtý maqsatynda birneshe ózekti máseleni qozǵaǵan edi. Osy tapsyrmaǵa sáıkes, óńirimizde jumys biryńǵaı jolǵa qoıylǵan. Baǵdarlama aıasynda Aqtóbe qalasyndaǵy jas otbasylarǵa «Nur Aqtóbe» shaǵynaýdanynda salynǵan úılerden - 100 páter, aýdan ortalyqtarynda salynǵan úılerden 12 páter berildi. «Dıplommen - aýylǵa» baǵdarlamasy boıynsha baspanamen qamtamasyz etý úshin 282 jas mamanǵa bıýdjetten 987 mln teńge qarjy bólindi. Josparlanǵan is-sharalar jastarymyzdy tıisti jumys ornymen qamtamasyz etýge tıimdi yqpal etti», - dep atap ótti oblys basshysy Ońdasyn Orazalın.
Forýmda «Úzdik jas jumysshy», «Óner salasynyń úzdigi», «Medıa salasynyń úzdigi», «Úzdik volonterlik top», «Aýyldyń úzdik jas mamany», «Úzdik jas kásipker», «Jyl qaharmany», «Úzdik jas otbasy», «Úzdik jastar resýrstyq ortalyǵy», «Óner salasynyń úzdigi» syndy on nomınatsııanyń ıesi anyqtaldy. Olarǵa qarjylaı syı berildi.
Aıta keteıik, Aqtóbe oblysynda 202 myńnan astam jas bar. Bıyl 16 myńnan astam jas jumyspen qamtyldy. JOO jáne orta arnaýly oqý oryndaryn aıaqtaǵan túlekterdiń 60% turaqty jumysqa ornalasqan. Al ózgesi magıstratýraǵa túsip, oqýyn ári qaraı jalǵastyrdy. «Bıznes Bastaý» jobasy aıasynda 195 jas óz isin ashý úshin shaǵyn nesıe aldy. Sondaı-aq 500-ge jýyq jas jańa bıznes ıdeıalaryn iske asyrý úshin memleketten qaıtarymsyz negizde granttarǵa ıe boldy. «Jasyl el» jasaqtary qatarynda 5 myń jas eńbek etti. Startap jobalaryna 40 mln teńge qarjy bólinip, 8 myńnan astam jas kásipkerlik salasyndaǵy túrli sharalarmen qamtyldy.