Aqtóbede jastar arasynda taǵy da tóbeles boldy

<p>AQTÓBE. KAZINFORM &ndash; Aqtóbe oblysy Alǵa aýdanynda jastar tóbelesip qaldy. Úsh jigit aýrýhanaǵa jetkizilip, bireýi em alyp jatyr.</p>

Alǵa aýdany jastary arasyndaǵy tóbeles 2 maýsym kúni boldy.

- Nátıjesinde úsh jigit medıtsınalyq mekemege jetkizildi. Kúdikti ustalyp, qamaýǵa alyndy. «Buzaqylyq» faktisi boıynsha sotqa deıingi tergep-tekserý júrgizilip jatyr, - dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov. Tergeý qupııalylyǵyna súıengen polıtsııa qyzmeti ózge aqparatty taratpady. 

Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, sol kúni 15 jastaǵy bozbala pyshaq jaraqatymen aýrýhanaǵa túsken. 

- Alǵa aýdandyq aýrýhanasynyń qabyldaý bóliminine 15 jastaǵy turǵyn jetkizildi. Ony reanımatolog, hırýrg qarap shyqty. Basyn, keýde tusyn, ish qurylysyn KT-ǵa túsirip, tekserýden ótkizdi. Ol aýrýhananyń hırýrgııa bólimine jatqyzyldy. Aldymen jaraqaty tigilip, tańyldy. Qazir naýqas em qabyldap jatyr. Al búgin rentgenge túsirdi. Aýyr jaraqaty joq, otany qajet etpedi. Naýqastyń jaǵdaıy turaqty, - dep habarlady Aqtóbe oblystyq densaýlyq saqtaý basqarmasy baspasóz qyzmeti.

Eske salsaq, mamyr aıynyń 27-nen 28-ine qaraǵan túni bir top jas tóbelesip, 4 kúdikti ustaldy. Sol kezde 9 adam aýrýhanaǵa jetkizilip, bireýi kóz jumdy.