Aqtóbede jappaı tóbelesten soń 6 adam qamaýǵa alyndy

<p>Aqtóbede túnde bolǵan jappaı tóbeleske qatysqan 6 adam qamaýǵa alyndy. Qylmystyq isten soń protsess prokýrory taǵaıyndaldy, dep habarlaıdy <a href="Kazinform." target="_blank" rel="noopener">Kazinform.</a></p>

Aqtóbe qalasynyń Qyzyljar turǵyn alabyndaǵy jappaı tóbelesten soń Qylmystyq kodekstiń «Kisi óltirý» baby boıynsha is qozǵaldy. Qylmystyq isti oblys prokýrory baqylaýyna aldy. 

- Oqıǵa Qyzyljar turǵyn alabynda ornalasqan «Almaz» dúkeniniń janynda boldy. Onda polıtsııa basqarmasynyń jedel-tergeý toby men oblys prokýratýrasynyń basshylyǵy bardy. Derekterge súıensek, Instagram jelisinde A. jáne V. arasynda janjal týyndady. Nátıjesinde kámeletke tolmaǵan V. kelesi kúni «Almaz» dúkeniniń janynda kezdesýdi usynǵan. 2 qańtar kúni saǵat 23:00 shamasynda A. jáne S. pyshaq jaraqatyn alǵan. Ekeýi de esin jımastan kóz jumdy. Qylmystyq is boıynsha protsess prokýrory taǵaıyndaldy. Tergeý barysy oblys prokýrorynyń jeke baqylaýǵa aldy, - dep habarlady Aqtóbe oblysy prokýrorynyń baspasóz qyzmeti.

Aıta keleıik, Aqtóbe oblystyq kópsalaly aýrýhanaǵa barlyǵy 4 adam jetkizilgen. 2006 jylǵy eki jigit birneshe jerden jaralanyp, kóz jumdy.

- 2004 jyly týǵan er adam hırýrgııa bólimine jatqyzyldy. Onyń sol jaq jaýyrynynda tesip-kesilgen jaraqaty bar. Ota jasaldy. Jaǵdaıy ortasha aýyl. Al 2004 jylǵy taǵy bir naýqas sol jaq ıyǵynan jaralanǵan. Ol ambýlatorly túrde em alý úshin úıine jiberildi, - dedi Aqtóbe oblystyq Densaýlyq saqtaý basqarmasynyń basshysy Rústem Isaev.

Aqtóbe oblystyq PD baspasóz qyzmetiniń habarlaýynsha, jappaı tóbeleske barlyǵy 10 adam qatysqan. Onyń altaýy qamaýǵa alyndy.