Aqtóbede jappaı tóbeleske shyqqan oqýshylardyń ata-analaryna aıyppul salyndy

<p>AQTÓBE. KAZINFORM &ndash; Aqtóbe oblysy Shalqar qalasynda áleýmettik jelidegi pikirden soń jappaı tóbeleske shyqqan oqýshylardyń ata-analaryna aıyppul salyndy. Barlyǵy 13 balanyń ata-anasy jazalandy.</p>

Іs Ákimshilik quqyqbuzýshylyq týraly kodekstiń «Usaq buzaqylyq», «Kámeletke tolmaǵan adam jasaǵan buzaqylyq» baptary boıynsha qaraldy.

«Shalqar qalasyndaǵy kóshelerdiń birinde bir top jasóspirim tóbeles shyǵaryp, qoǵamdyq tártipti jáne azamattardyń tynyshtyǵyn buzdy. Sot otyrysynda ata-analar men olardyń kámeletke tolmaǵan balalary buzaqylyq jasaǵanyn tolyq moıyndady. Sottyń qaýlysymen 14 pen 16 jas aralyǵyndaǵy 7 jasóspirimniń ata-anasy 25 844 teńge, ıaǵnı, 7 AEK aıyppul túrindegi ákimshilik jaýapqa tartyldy. 16 jasqa tolǵan 6 jasóspirim ata-anasyna 36 920 teńge aıyppul salyndy. Onyń ishinde bir iste otbasylyq jaǵdaıǵa baılanysty aıyppul somasy 30% tómendetildi. Sot aktisi zańdy kúshine engen joq», - dep habarlady Shalqar aýdandyq sotynyń baspasóz qyzmeti.

Eske salsaq, 18-naýryz kúni bir top jasóspirim áleýmettik jelidegi pikirge bola tóbeleske shyqty. Olardyń bári polıtsııa bólimine jetkizildi.