Aqtóbede jantúrshigerlik jol apatynan 8 adam qaza boldy

<p>AQTÓBE. KAZINFORM &ndash; Jol apaty Samara-Shymkent tasjolynyń Marjanbulaq aýyly mańynda boldy. Onda 8 sheteldik kóz jumdy.</p>

Samara-Shymkent tasjolynda jantúrshigerlik jol apaty boldy. Marjanbulaq aýylynyń mańynda Volvo júk kóligi men Ózbekstan Respýblıkasy azamatynyń basqarýyndaǵy Toyota-Alhpard kóligi soqtyǵysty.

Foto: Aqtóbe oblystyq PD baspasóz qyzmeti

- Apat saldarynan mınıvenniń júrgizýshisi men 7 jolaýshysy qaza tapty. Barlyǵy da Ózbekstan Respýblıkasynyń azamattary. Boljam boıynsha qozǵalys kezinde júk kóliginiń dóńgelegi jarylǵan, saldarynan júrgizýshi kóliktiń baǵytyn baqylaı almaı, qarsy jolaqqa shyǵyp ketken. Qazir jol-kólik oqıǵasy faktisi boıynsha sotqa deıingi tergep-tekserý bastaldy. Tıisti saraptamalar taǵaıyndaldy, - dep habarlady Aqtóbe oblysy PD-niń JPQB bastyǵy Aıdos Quljanov.

Aıta keteıik, osydan bir aı buryn Aqtóbe-Atyraý tasjolyndaeki jeńil kólik soqtyǵysyp, onda da 8 adam qaza tapqan bolatyn. Ol kezde bir kólik túgel janyp ketti.