Aqtóbede jańbyr kezinde asfalt opyrylyp, kópqabatty úıde káriz sýy keri aqty

<p>AQTÓBE. KAZINFORM - Aqtóbe qalasynda da nóser jańbyr jaýyp, kópqabatty úıde káriz sýy ýnıtaz, vannadan keri aqty. Al ortalyqtaǵy Aǵaıynda Jubanovtar kóshesinde jol opyrylyp tústi.</p>

Aqtóbe qalasynda keshe nóser jaýyn jaýdy. Qala turǵynynyń aıtýynsha, Bókenbaı batyr 157 mekenjaıynda ornalasqan «Avıator» turǵyn úı kesheninde káriz sýy keri aqty.

«Jańbyr kezinde káriz júıesinen aqaý shyǵyp, ýnıtazdan, vannadan keri aqty sý. Úsh saǵat boıy esh kómek bolmady», - dedi qala turǵyny Shyńǵys Beısatov.

Sonymen birge Aǵaıynda Jubanovtar kóshesinde jol opyrylyp túsip, kommýnaldyq mekeme aınalaǵa belgi qoıyp, jol bóligin ýaqytsha japty. 

Aıta keteıik, nóser jaýyn kezinde Altyn orda shaǵyn aýdanynda da qatynas qıyndady. Kólikter sýda qalyp, adamdar úıinen shyǵa almady.