Aqtóbede Jańa jyl túninde órtten áıel adam qaza tapty

AQTÓBE. QazAqparat - Aqtóbede Jańa jyl túni órt shyǵyp, saldarynan 58 jastaǵy áıel qaza tapty. Taǵy bir 82 jastaǵy áıel zardap shekti, dep habarlaıdy QazAqparat tilshisi TJ departamentiniń baspasóz qyzmetine silteme jasap.

Aqtóbe qalasyndaǵy Mahambet Ótemisuly kóshesindegi jeke turǵyn úıden órt shyqqany týraly habarlama TJ qyzmetine 1 qańtar kúni túngi saǵat 1-de kelip túsken. Órt sóndirýshiler jetisimen jatyn bólmedegi 10 sharshy metr aýmaqtyń órtengenin anyqtady. Órt kezinde gaz ıisinen eki adam zardap shekti.

«Oqıǵa ornyna 4 tehnıka men 24 adam attandy. Kelgen boıda jatyn bólmede órt shyqqany anyqtaldy. Órt 2 saǵattyń ishinde sóndirildi. Saldarynan úıde turatyn eki adam zardap shekti. 58 jastaǵy áıel kómirqyshqyl gazynan ýlanyp, aýrýhanaǵa jetpeı kóz jumdy. 82 jastaǵy qart áıel aman qalyp, jansaqtaý bólimine jatqyzyldy. Órttiń shyǵý sebebi anyqtalýda», - dep habarlady TJD baspasóz qyzmeti.

TJD mamandary ásirese qys mezgilinde órt qaýipsizdigi erejelerin saqtaý qajettigin eske salady.

Samal Endibaeva

Foto: TJD baspasóz qyzmeti