Aqtóbede jańa avtobýstarǵa elimizdiń birtýar azamattarynyń esimi jazyldy

AQTÓBE. QazAqparat - Aqtóbe qalasynyń ákimdigi 40 avtobýs satyp alýǵa 1,2 mıllıard teńge bóldi. Barlyǵy 40 avtobýs problemaly baǵyttaǵy marshrýttarǵa bólindi, dep habarlaıdy QazAqparat tilshisi.

Aqtóbe qalasynyń ákimdigi búgin jańa avtobýstardyń múmkindikterin tanystyrdy. Reseıden satyp alynǵan marshrýt salonyna úsh beınekamera qondyrylǵan, eger úsh esigi jabylmasa, qoǵamdyq kólik ornynan qozǵala almaıdy. Ári ár avtobýstyń syrty oıý-órnekpen bezendirilip, qazaqtyń birtýar azamattarynyń aty-jóni jazylǵan. Sonymen qatar, «AktobeBUS» mobıldik qosymshasy iske qosyldy.

«AktobeBUS» mobıldik qosymshasyna qalanyń 50 marshrýty engizildi. Kez kelgen jolaýshy ózine qajetti baǵytty tańdap, avtobýstardyń qaı jerde kele jatqanyn bile alady. Kún saıyn qala boıynsha úsh avtoparkten 350 avtobýs shyǵady. Sonymen qatar, dıspetcher ortalyǵymen baılanysqa shyǵyp, mobıldi qosymsha týraly shaǵymyn, usynystaryn bildire alady. Arnaıy qurylǵy zaýytta qondyrylǵan»,- dedi Jolaýshylar tasymaly ortalyǵynyń dırektory Azamat Taıtaqov.

Aıta keteıik, jyl sońyna deıin Aqtóbe qalasynyń ákimdigi Qazaqstannyń damý bankimen birlesip 100-den astam avtobýs satyp alýdy kózdep otyr.