Aqtóbede jaǵdaı qalypty: 10 qańtardan bastap balabaqshalar jumysyn bastaıdy
18:12, 09 Qańtar 2022
AQTÓBE. QazAqparat - Aqtóbede jaǵdaı qalypty. Erteń balabaqshalar jumysyn jalǵastyrady, dep habarlaıdy QazAqparat tilshisi.
«Eldegi tótenshe jaǵdaıǵa baılanysty Bilim jáne ǵylym mınıstrligi mektep oqýshylarynyń qysqy demalysyn 17 qańtarǵa deıin uzartty. Sonymen birge kolledj jáne joǵary oqý oryndarynyń stýdentteri 24 qańtarǵa deıin demalady. Aótóbe oblysynyń óńirlik shtabynyń sheshimine sáıkes óńirdegi jaǵdaıdyń turaqtanýyna oraı, 10 qańtardan bastap barlyq balabaqsha qalypty jumysqa kirisedi», - dedi oblystyq bilim basqarmasynyń basshysy Joldas Batyrhan.