Aqtóbede zeınetkerler men múgedekter qoǵamdyq kólikte 40 teńgemen júredi
Aqtóbe oblysynda qoǵamdyq kólikterdi sýbsıdııalaý jumysy 2015-2016 jyldary toqtatyldy. Sodan beri tasymaldaýshylarǵa eshqandaı aqy tólenbedi.
«Bes jylda avtoparkterdiń tozyǵy jetti, damytý qıyndady. Qazir jańa avtobýstar kelip jatyr. Sýbsıdııa bólý arqyly ara qashyqty saqtaý, avtobýsty jańartý talaptary qoıylady. Shaǵym bar. Ony moıyndaımyz. Nur-Aqtóbe turǵyn úı alabyna qosymsha avtobýs shyǵarý kerek. №18, 28 baǵyttaǵy avtobýstar qaıta qalpyna keltiriledi. Jalpy áleýmettik mańyzy bar 29 marshýrt bekitiledi. Jáne de 7 sanat boıynsha sýbsıdııalaý kózdelgen. UOS ardagerleri, olarǵa teńestirilgender, І top múgedekteri tegin júredi. Al zeınetkerler, ІІ jáne ІІІ toptaǵy múgedekter aqynyń 50% tóleıdi. Buryn 60 teńge bolsa, endi 40 teńge», - dedi Aqtóbe qalasynyń ákimi Ashat Shaharov.
Aıta keteıik, Aqtóbe qalasynda úsh tasymaldaýshy bar. Olar: «Qala Trans» JShS, «Avtopark» JShS, «Aqtóbe qalasynyń jolaýshylar avtokólik kásiporyny». Kúnine qoǵamdyq kólik qyzmetin 130-140 myń adam paıdalanady.
«Aqtóbede qoǵamdyq kólik bıleti elektrondy júıege aýdarylǵan. Biz tek avtobýs qyzmetin paıdalanǵan adamdardyń jolaqysyn sýbsıdııalaımyz. Qazirgi kezde sýbsıdııaǵa 1,3 mlrd teńge qarastyryldy. Onyń 420 mln teńgege jýyǵy osy jyldyń sońyna deıin jetedi dep oılap otyrmyz. Sýbsıdııalaý tártibi ózgerdi, 3 jyldyq bıýdjetti bekitkende taǵy ósedi», - dedi Ashat Shaharov.