Aqtóbede zańsyz munaı óńdeýmen aınalysqan zaýyt anyqtaldy
13:37, 26 Shilde 2018
AQTÓBE. QazAqparat - 24 shilde kúni jedel-izdestirý sharalary barysynda Aqtóbe oblysy boıynsha memlekettik kirister departamentiniń Ekonomıkalyq tergeý qyzmeti Aqtóbe qalasynda munaı ónimderin qaıta óńdeýmen aınalysqan zańsyz zaýytty anyqtap, jumysyn toqtatty, dep habarlaıdy QazAqparat QR QM Memlekettik kirister komıtetiniń baspasóz qyzmetine silteme jasap.
«Bul is-sharaǵa departament qyzmetkerlerinen bólek Aqtóbe qalasynyń kólik prokýratýrasy jáne «Búrkit» erekshe maqsattaǵy bólimshe qyzmetkerleri de qatysqan bolatyn. Keıin anyqtalǵandaı, Aqtóbe oblysynyń munaı-ken ornynan jalǵan kujattar arqyly zańsyz munaı ónimderi shyǵarylyp, ol zańsyz zaýytqa jetkizilip otyrǵan. Munaı jáne munaı ónimderin qaıta óńdeýmen aınalysqan zaýytqa qatysy bar barlyq tulǵalar qolǵa tústi» delingen komıtet taratqan habarlamada.
Tergeý jumystary nátıjesinde 150 tonnadan astam munaı ónimi tárkilendi.
Qazirgi tańda tergeý amaldary júrgizilýde.