Aqtóbede volonterlerdiń oblystyq front keńsesi ashyldy

AQTÓBE. QazAqparat - Aqtóbede «Birgemiz» front keńsesi ashyldy, dep habarlaıdy QazAqparat tilshisi.

Aqtóbelik tájirıbeli eriktiler, jastar endi bir ortaǵa jınalyp, bir-birimen aqyldasa alady.

Elorda kúnine oraı front-keńse ashylyp, aldaǵy jumystar men volonterlik qyzmettiń salalyq baǵyttary tanystyryldy.

Ashylý saltanatyna oblystyq ishki saıasat basqarmasynyń basshysynyń orynbasary Jaqsat Tólegenov, oblystyq jastar saıasaty máseleleri basqarma basshysynyń mindetin atqarýshy Eleýsiz Nurǵalıev jáne oblystyq jastar resýrstyq ortalyǵynyń basshysy Gúlnar Kabıeva qatysyp, jastardyń bastamasyna sáttilik tiledi.

Sonymen qatar, oblystyń belsendi jas volonterleri jastardyń bastamalaryn qoldaý úshin júrgizilip jatqan jobalar úshin basshylyqqa alǵysyn bildirip, maýsym aıynyń úzdik volonterlary alǵys hatpen marapattaldy.

«Respýblıkalyq front-keńseniń biri bizde de ashyldy. Aldaǵy ýaqytta ádistemelik qoldaý kórsetip, voloterlik baǵytta damytýdy josparlap otyrmyz. Barlyǵy jeti baǵyt boıynsha jumys júrgiziledi. Olar: taza álem, bilim, úmit, asyl mura, saýlyq, qamqor jáne sabaqtastyq. Oblystaǵy volonterlik qozǵalysty júıelep, úlken sharalardy uıymdastyrýǵa atsalysady»,- dedi «Birgemiz» front keńsesiniń úılestirýshisi Narqozy Qartjan.

Shara sońy merekelik keshke jalǵasty. Volonterlar front-keńseniń jumysymen tanysty.