Aqtóbede voleıboldan erler arasynda el chempıonatynyń tórtinshi týry bastaldy

<p>AQTÓBE. KAZINFORM &ndash; Aqtóbe qalasynda erlerdiń Ulttyq lıga komandalary arasynda HHHІІ Qazaqstan chempıonaty tórtinshi týrynyń oıyndary bastaldy. 9 aqpan &ndash; voleıbol kúni alańǵa birinshi bolyp Oraldyń &laquo;Jaıyǵy&raquo; men &laquo;Esil&raquo; (SQO) komandalary shyqty.</p>

Bul ekinshi týrdan keıinge qaldyrylǵan oıyn edi. «Jaıyqty» kúsheıtý baǵytynda qazaqstandyq bapker Vıktor Kozık budan buryn reseılik Vıtalıı Vasılevti alsa, endi kanadalyq baılanystyrýshy Jake Manýel Gomesti qosty. 

Osyǵan deıin «Jaıyq» 38 upaımen úzdik úshtikke ilikse, «Esil» (29 upaı) tórtinshi satyda edi. Bul kezdesýde oraldyqtar 3:0 (25:22, 25:20, 25:20) esebimen basym túsip, upaı sanyn 41-ge jetkizip, ázirge ekinshi orynǵa kóterildi.

Búgin sondaı-aq «Býrevestnık» (Almaty) – «Atyraý», «Jetisý jastary» - «Ushqyn-Kókshetaý», «Taraz» - «Aqtóbe» komandalary kezdesedi. 

Aqtóbede alǵash ret ótkizilip otyrǵan Ulttyq lıga týry 17 aqpanda máresine jetip, pleı-off kezeńine shyqqan 8 komanda anyqtalady.

Eske sala keteıik, budan buryn voleıboldan áıelder arasynda Qazaqstan chempıonatynyń úshinshi týry máresine jetkenin jazǵan bolatynbyz.