Aqtóbede velosıped urlap, satýmen aınalysqan er adam qamaýǵa alyndy

<p>ASTANA. KAZINFORM &ndash; Aqtóbe polıtseıleri 13 velosıped urlaǵan kúdiktini qolǵa túsirdi.&nbsp;</p>

Polisia.kz-tiń málimetinshe, qos dóńgelekti kólikti urlaý faktisi boıynsha polıtsııaǵa oblys ortalyǵynyń turǵyny júgingen. Aryzdanýshynyń aıtýynsha, ol velosıpedti jumys ornynyń aldyna qoıǵan. Alaıda jumystan shyqqan kezde velosıpediniń joq ekenin kórgen. 

Polıtsııa qyzmetkerleri jedel-izdestirý is-sharalaryn júrgizý kezinde kúdikti retinde 29 jastaǵy azamatty anyqtap, polıtsııa bólimine jetkizdi. Sondaı-aq ustalǵan adamnyń budan basqa taǵy 12 velosıped urlyǵyna qatysy bar ekeni anyqtaldy.

Kúdikti beıtanys adamdarǵa urlanǵan velosıpedterdiń óziniki ekenin, ony lombardtan telefonyn qaıtaryp alý úshin satyp jatqanyn aıtqan.

Urlyq faktisi boıynsha sotqa deıingi tergep-tekserý júrgizilip jatyr. Kúdikti ýaqytsha ustaý ızolıatoryna qamaldy.

Polıtsııa departamenti azamattarǵa urlanǵan zattardy satyp alǵany úshin qylmystyq jaýapkershilik kózdelgenin eske salady.