Aqtóbede vaktsına pasportyn satqan meıirbıke ustaldy

AQTÓBE. QazAqparat – Aqtóbe qalasyndaǵy emhanalardyń birinde jumys isteıtin meıirbıke 67 adamǵa vaktsına pasportyn jasap berdi. Ol ár qujat úshin 15 myń teńge aldy, dep habarlaıdy QazAqparat tilshisi.

Aqtóbe qalasyndaǵy emhanalardyń birinde jumys isteıtin meıirbıke qyzmettik ókilettiligin asyra paıdalandy. Ol 67 adamdy vaktsına alǵandar tizimine engizip, bul qyzmeti úshin árqaısysynan 15 myń teńge aqy alǵan.

«Tergeý barysynda meıirbıke árbir jalǵan qujat úshin ár adamnan 15 000 teńge aqshalaı syıaqy alǵanyn aıtty. Atalǵan fakti negizinde Qylmystyq kodekstiń «Jalǵan qujattardy, mórtabandardy, mórlerdi, blankilerdi, poshta tóleminiń memlekettik belgilerin, memlekettik nagradalardy qoldan jasaý, daıyndaý nemese ótkizý» jáne «Zańsyz syıaqy alý» baptary boıynsha is qozǵalyp, sotqa joldandy», - dedi oblystyq PD baspasóz qyzmetiniń jetekshisi Erbolat Sarqulov.