Aqtóbede úsh baý-baqsha ujymynda jaryq sónip, turǵyndar jol boıyna jınaldy

<p>Aqtóbe qalasy mańyndaǵy baý-baqsha ujymynda búgin tústen keıin, keıbirinde keshke jaryq sónip, turǵyndar jol boıyna jınaldy, dep habarlaıdy <a href="Kazinform" target="_blank" rel="noopener">Kazinform</a>.</p>

Aqtóbe qalasy Qurylysshy, Dombyra, Energetık baý-baqsha ujymdarynda ártúrli ýaqytta jaryq sóndi. Turǵyndar sodan beri jylytý qurylǵysyn qosý múmkin bolmaı, bala men úlkenderge qıynǵa soqqanyn aıtyp, jol boıyna jınaldy. Oqıǵa ornyna Aqtóbe qalasynyń ákimi Azamat Beket, qalalyq TÚKSh, jolaýshylar kóligi jáne avtomobıl joldary bólimi men polıtsııa bardy. 

- Bul baý-baqsha ujymdarynyń elektr jelisi jeke. Bári bir jelige qosylǵan, sondyqtan kótere almaı, sónedi. Jaqynda olardyń jelisin ekige bólý jumystary bastaldy. ıAǵnı, bireýiniń júgin azaıtý úshin eki jelige bólinedi. Sol jumystardy jasap jatqanda jaryq sónip qaldy. Adamdar osy aralyqta kóshege shyqty. Qazir úsh brıgada istep jatyr. Jaryqty kóp uzamaı qosady. Qala ákimi baryp, kezdesip, turǵyndar tarady,- dedi Aqtóbe qalasy ákiminiń baspasóz hatshysy Aıgúl Baımenova.