Aqtóbede úsh adamnyń ólimine ákelgen jol apaty kezinde rýlde bolǵan muǵalim sottaldy

<p>AQTÓBE. KAZINFORM &ndash; Oqýshylardy aýdandyq olımpıadaǵa jetkizbek bolǵan muǵalim 5 jylǵa bas bostandyǵynan aıyryldy. Búgin sot polıtsııa men bilim basqarmasyna jeke qaýly shyǵardy.</p>

Aqtóbe oblystyq qylmystyq ister jónindegi mamandandyrylǵan aýdanaralyq sotynda jol-kólik apaty kezinde rýlde bolǵan muǵalim Jandos Shamshadınge úkim shyqty. 

Foto: Altynaı Saǵyndyqov/Kazinform

«Jandos Shamshadın Qylmystyq kodekstiń 345-baby 4-bóligimen kináli dep tanylyp, oǵan 7 jyl merzimge kólik basqarý quqǵynan aıyra otyryp, 5 jyl merzimge bas bostandyǵynan aıyrý jazasy taǵaıyndalsyn. J. Shamshadınge jaza óteý orny qylmystyq atqarý júıesiniń qaýipsizdigi barynsha tómen mekemesi taǵaıyndalsyn»,- dedi sýdıa Nurlan Baqtyǵalıev.

Sonymen birge sýdıa qyzmettik jaýapsyzdyq tanytqan Yrǵyz aýdandyq polıtsııa bólimi men Yrǵyz aýdany Temirastaý jalpy bilim beretin mekteptiń jaýapty qyzmetkerine qatysty shara qoldaný jóninde qaýly shyǵardy. Qaýlyǵa jaýapty Aqtóbe oblystyq PD bastyǵy, Aqtóbe oblystyq Bilim basqarmasynyń basshysy berýi tıis.

Aıta keteıik, sot úkimi kúshine engen joq. Taraptar apellıatsııalyq shaǵym túsirmeıdi.

Eske salsaq, jol-kólik oqıǵasy byltyr jeltoqsan aıynda boldy. Onda eki oqýshy men bir muǵalim kóz jumdy. Rýlde sol mekteptiń muǵalimi bolǵan. Sot otyrysy bastalǵan kezde jol-kólik oqıǵasynyń saldarynan bir oqýshynyń basy julynyp qalǵany da belgili boldy.