Aqtóbede Ulttyq ulan jaýyngerleri 1,2 mln teńgeniń zańsyz tasymaldanýyna tosqaýyl qoıdy

ORAL. QazAqparat - Aqtóbe qalasynda Ulttyq ulan jaýyngerleri 1,2 mln teńgeniń zańsyz tasymaldanýyna tosqaýyl qoıdy, dep habarlaıdy «QazAqparat» tilshisi.

«Batys» óńirlik qolbasshylyǵynyń baspasóz qyzmetinen túsken málimetke qaraǵanda, 31 mamyr kúni saǵat 12.00 shamasynda ÝG 168/2 qylmystyq-atqarý júıesi mekemesindegi baqylaý beketinde 6655-áskerı bóliminiń qyzmetkerleri, kishi serjant Rahat Álibekov, qaraýyl bastyǵynyń kınologııalyq qyzmet jónindegi kómekshisi, serjant Talǵat Elýbaev jáne qatardaǵy jaýynger Polıhron Drýgov «MAN 19240» júk kóligin tekserý kezinde  kabınadan DVD taspasyna arnalǵan paneldiń astynan 1,2 mln teńge tapqan.

Tyıym salynǵan zatty tárkileý týraly birlesken akt túzilip, túzetý mekemesiniń qyzmetkerlerine tapsyryldy. Sol boıda oqıǵa ornyna Aqtóbe qalalyq ishki ister basqarmasynyń jedel tergeý toby shaqyryldy.

Qyraǵylyǵy úshin atalǵan jaýyngerlerdi «Batys» óńirlik qolbasshylyǵy yntalandyrdy.