Aqtóbede ýchaskelik ınspektor ózenge sekirgen jasóspirimdi qutqardy
15:00, 04 Maýsym 2024
<p>AQTÓBE. KAZINFORM – 3 maýsymda polıtsııaǵa Sazdy ózenindegi kópirdiń astynda jasóspirim qyzdyń otyrǵandyǵy týraly habarlandy. Ol jerge dereý ýchaskelik polıtsııa ınspektory Farhat Nurmanov jiberildi.</p>
ІІM baspasóz qyzmetiniń málimetinshe, polıtsııa qyzmetkeri ózenge kıimimen sekirgen balany kórip, kómekke júgirdi. Ýchaskelik polıtseı 13 jastaǵy qyzdy ózennen qutqaryp aldy. Járdemge jetken áriptesteri ony jaǵaǵa shyǵarysty.
«Qyzdyń ómirine qaýip tónip turǵan joq. Psıhologtar men polıtseıler jasalǵan árekettiń sebebin anyqtap jatyr. Tekserý júrgizilip jatyr», - delingen habarlamada.