Aqtóbede túzeý mekemesindegi sottalǵandar koronavırýsqa qarsy ekpe aldy

AQTÓBE. QazAqparat - Aqtóbede sottalǵandar da ekpe qabyldap jatyr, dep habarlaıdy QazAqparat tilshisi.

Spýtnık V ekpesin egý sharasyn bastamas buryn, QAJ departamentiniń qyzmetkerleri sottalǵandarǵa koronavırýs ınfektsııasyna qarsy ekpe alýdyń mańyzyn túsindirdi.

KA-168/1, KA-168/2 jáne KA-168/3 mekemelerindegi jazasyn óteýshi sottalǵandar arasynda ekpe alýǵa nıet bildirgenderi eń aldymen dárigerlerdiń tolyq tekserýinen ótip, ekpe qabyldaǵannan keıin de 30 mınýt dárigerlerdiń baqylaýynda boldy.

Aqtóbe oblysy boıynsha QAJ departamentiniń medıtsına qyzmetiniń bastyǵy Shynbolat Daýlbaevtyń aıtýynsha, medıtsınalyq qarsy kórsetilimderi joq sottalǵandar óz erkimen ekpe saldyrýdy áli de jalǵastyryp jatyr.

Aıta keteıik, Aqtóbe oblystyq polıtsııa departamentiniń bastyǵy Atyǵaı Arystanov ta Spýtnık-V vaktsınasyn qabyldady.

Tegter

{