Aqtóbede turǵyzylǵanyna 7 jyl bolǵan kópqabatty úıdiń jertólesi kóktem saıyn sýǵa tolady

AQTÓBE. QazAqparat - Aqtóbeniń Batys 2 shaǵynaýdany, Taýelsızdık 13/1 mekenjaıynda ornalasqan kópqabatty úıdiń jertólesi sýǵa tolyp, qaýipti bolǵandyqtan, elektr jaryǵy ýaqytsha óshirildi, dep habarlaıdy QazAqparat.

Oqıǵa ornyna qala ákimi Murat Jórebekov jáne qalalyq turǵyn úı-kommýnaldyq sharýashylyq qyzmeti, turǵyn úı ınspektsııasy, tótenshe jaǵdaılar bólimi basshylyǵy bardy.

Turǵyndar qala basshysyna salynǵanyna 7 jyl bolǵan úıdiń jertólesi kóktem saıyn sýǵa tolyp ketetinin, kezinde qurylys salýshy kompanııa úıdi turǵyzǵanda bul jerde aǵyn sýdyń arnasy bolýy múmkin ekenin eskermegenin aıtyp shaǵymdandy.

«Osy jaǵdaı jyl saıyn qaıtalanyp, turǵyndar bul máseleden zardap shegip otyr. Biz qazir jertóleni sýdan tazartyp jatyrmyz, biraq bul ýaqytsha sharalar. Bul bolashaqta qaıtalanbaýy úshin tıisti ınjenerlik sheshimder qabyldaıtyn bolamyz», - dedi Murat Jórebekov.

Qala ákimine turǵyndar óz usynys-pikirlerin aıtty. Jertóleni sýdan tazartý úshin motopompalar qoıyldy.