Aqtóbede transulttyq uıymdasqan qylmystyq toptyń taǵy bir múshesi ustaldy
Saıt Aqtóbe qalasynda esirtki óndiretin jáne satatyn 30 jastaǵy jergilikti turǵyn ustalǵanyn habarlady.
Buǵan deıin 2021 jyly Nur-Sultan qalasy, Qaraǵandy, Aqmola jáne Pavlodar oblystarynda birqatar iri qylmyskerler ustaldy. Sol kezde satýǵa daıyn 25 keliden astam esirtki jáne olardy jasaýǵa arnalǵan 3,5 tonna prekýrsorlar tárkilendi. Bes iri esirtki zerthanasy joıyldy, olardyń ekeýi Qaraǵandy oblysynda, al Nur-Sultan qalasynda, Pavlodar, Aqmola oblystarynda bir-birden jumys istegen.
Arnaıy operatsııa barysynda transulttyq UQT uıymdastyrýshysy men alty qatysýshysy ustaldy, olar mefedrondy Qazaqstanda da, odan tys jerlerde de jasap, ótkizýdi uıymdastyrǵan. Qylmystyq toptyń árbir qatysýshysy ózine bekitilgen esirtkini ótkizý aýmaǵyna jetekshilik etip otyrǵan, sondaı-aq, zattardy tasymaldaý, daıyndaý jáne saqtaý sııaqty belgili bir mindetterdi atqarǵan.
Máselen, tórteýi Nur-Sultan, Almaty, Pavlodar, Qaraǵandy qalalarynda psıhotroptyq zattardy daıyndaýmen jáne ótkizýmen aınalysqan. Olardyń biri óz qyzmetin Reseı men Grýzııa aýmaǵynda júzege asyrǵan.
Tergeý barysynda Halyqaralyq qylmystyq baılanystar anyqtalyp, QR QK-niń 264-baby (Transulttyq qylmystyq topty qurý jáne oǵan basshylyq etý) boıynsha qylmystyq is qozǵaldy. Osy UQT boıynsha esirtki satýmen baılanysty segiz qylmystyq is qozǵaldy. Jańa jyldyq merekeler qarsańynda Qaraǵandy qalasynda esirtki óndirý úshin prekýrsorlardy jiberýmen aınalysqan taǵy bir UQT qatysýshysy ustaldy. Jedel ýákilder ol jalǵa alǵan garajda «Alfa-PVP» jasaý úshin qoldanylatyn hımııalyq zattar – prekýrsorlar quıylǵan alty 30 lıtrlik plastıkalyq bóshkelerdi tárkiledi. Onyń baılanystaryn pysyqtaý barysynda úı jaǵdaıynda sıntetıkalyq esirtki óndirisin jolǵa qoıǵan Aqtóbe qalasynyń turǵyny anyqtaldy.
Ustaý kezinde odan sıntetıkanyń bes bir rettik dozasy, al turǵylyqty jeri boıynsha taǵy segiz esirtki túıini tárkilendi. Sonymen qatar, qalanyń ár jerinde tapsyrys boıynsha «klıentter» úshin daıyndalǵan 55 jasyrylǵan túıin tárkilendi. Sot-hımııalyq saraptama nátıjeleri boıynsha tárkilengen zat jalpy salmaǵy bir kılogrammǵa jýyq esirtkini qurady.
Esirtki óndirý faktisin rastaıtyn zattaı dáleldemeler tárkilendi. Osylaısha, taǵy bir esirtki zerthanasy joıyldy. Esirtki qylmysyna qarsy is-qımyl departamentiniń bastyǵy Erlan Omarbekov túsindirgendeı, Іshki ister mınıstrligimen sıntetıkalyq esirtkiniń aınalymyna qarsy is-qımyldyń tıimdiligin arttyrý boıynsha birqatar maqsatty baǵyttalǵan is-sharalar júzege asyrylýda.