Aqtóbede tótenshe jaǵdaılar qyzmetkerleri shuńqyrǵa túsken balany alyp shyqty

AQTÓBE. QazAqparat - Aqtóbede 10 jastaǵy bala shuńqyrǵa túsip ketip, qutqarýshylar ony aman alyp shyqty, dep habarlaıdy QazAqparat tilshisi.

Aqtóbe oblystyq tótenshe jaǵdaılar departamentiniń kezekshi bólimine 10 jastaǵy balanyń oınap júrip, shuńqyrǵa túsip ketkeni týraly habarlama tústi. Oqıǵa ornyna qutqarýshylar jiberildi.
«Shuńqyrdy keńeıtýge múmkindik bolmaǵan soń qutqarýshylar arqan men beldik paıdalandy. Balany aman-esen alyp shyqty. Onyń jaǵdaıy jaqsy, medıtsınalyq kómekti qajet etpedi. Keıin úıine jiberildi», - dep habarlady oblystyq TJD baspasóz qyzmeti.