Aqtóbede tótenshe jaǵdaılar qyzmeti 33 adamdy qutqardy

AQTÓBE. QazAqparat – Aqtóbede demalys kúnderi kólik pen jolaýshy qar qursaýynda qalyp qoıdy. Tótenshe jaǵdaılar qyzmetkerleri qutqarý jumystaryn júrgizdi, dep habarlaıdy QazAqparat tilshisi.

Ótken demalys kúnderi aýa raıy kúrt qubylyp, boran soqty. Oblysta respýblıkalyq jáne jergilikti mańyzy bar joldar jabyldy. Oblystyq TJD eskertýin elemegenderi jolǵa shyǵyp, olarǵa qutqarý tobyn jiberýge týraly keldi.

«TJD jáne jol qyzmetiniń kúshimen qar qursaýynan 33 adam qutqaryldy. Onyń beseýi bala. Máselen,Yrǵyz aýdany Qurylys kentinen shyqqan jeńil kólik «Samara-Shymkent» trassasyna jetpeı, qar qursaýynda qaldy. Nátıjesinde «QazAvtoJol» JShS-nyń qyzmetkerleri kómekke baryp, 5 adam qaýipsiz jerge kóshirildi. Al Hromtaý aýdany Nıkeltaý aýyly mańynda 5 kólik turyp qaldy. Avarııalyq-qutqarý jumystarynyń nátıjesinde 29 adam qutqaryldy, onyń tórteýi bala. Sondaı-aq Qarǵaly aýdanynda júkti áıelge dárigerler jetkizilip, ol uldy boldy», - dep habarlady oblystyq PD baspasóz qyzmeti.

Sonymen birge Mártók aýdanynda baqtashy mal izdep shyǵyp, adasyp ketken. Ondy da qutqarýshylar taýyp aldy.