Aqtóbede tótenshe jaǵdaı jarııalanǵan aýmaqta balabaqsha jumys istemeıdi

<p>AQTÓBE. KAZINFORM - Aqtóbe qalasy, Temir, Qobda, Muǵaljar aýdandarynda 29-naýryz kúni balabaqsha jumys istemeıdi.</p>

Aqtóbe oblystyq Bilim basqarmasynyń basshysy Jaıyq Sultannyń habarlaýynsha, jergilikti deńgeıde tótenshe jaǵdaı jarııalanýyna baılanysty 29-naýryzda balabaqshalar jumysy ýaqytsha toqtatyldy. Bul bir kúnge ǵana arnalǵan sheshim. 

Aıta keteıik, qazirgi kezde Aqtóbede Elek pen Qarǵaly ózenderiniń boıyn jaǵalaı qonystanǵan baý-baqsha ujymdaryndaǵy adamdarǵa evakýatsııa jasaldy. Onda tótenshe jaǵdaılar qyzmeti, polıtsııa men áskerıler, jergilikti atqarýshy organ ókilderi júr.

Aqtóbe oblystyq TJD bastyǵy Nurǵalı Júnisovtiń aıtýynsha, “Aqtóbe” sý qoımasy tolyp, shlıýzdi ashý sheshimi qabyldanǵan soń adamdar kóshirildi. 

Aıta keteıik, evakýtsııalaý jumystaryna 547 adam, 80 tehnıka jumyldyryldy. Aqtóbe qalasy ákimdiginiń habarlaýynsha, saǵat 03:00-degi málimet boıynsha 35 evakýtsııalyq pýnktte myńnan astam adam bar. Olardyń teń jartysyna jýyǵy bala.