Aqtóbede tótenshe jaǵdaı kezinde zańsyz oıyn bıznesine qatysty 7 oqıǵa tirkelgen
Bıyl QR QM Qarjy monıtorıngi komıtetiniń Aqtóbe oblysy boıynsha Ekonomıkalyq tergeý departamentiniń qyzmetkerleri «STOP oıyn» jedel-profılaktıkalyq is-sharasyn júrgizý barysynda zańsyz oıyn bıznesin uıymdastyrýǵa qatysty 11 fakti anyqtaǵan.
«Aqtóbe qalasyndaǵy 11 nysanda zańsyz oıyn bıznesin uıymdastyrý pýnkti áshkerelendi. Onyń ishinde 7 fakt tótenshe jaǵdaı rejımi kezinde anyqtalǵan. Tintý júrgizý barysynda 18 oıyn avtomaty, 93 protsessor, 94 monıtor, 62 teledıdar tárkilendi. Osy derekter boıynsha QR Qylmystyq kodeksiniń 307-babymen (zańsyz oıyn bıznesin uıymdastyrý) qylmystyq is qozǵaldy», delingen habarlamada.
Sondaı-aq, Aqtóbe oblysy aýmaǵynda zańsyz oıyn bıznesin uıymdastyrýmen aınalysqan 4 adamǵa 6 qylmystyq is boıynsha sot úkimi shyǵarylyp, aıypty tulǵalar qylmystyq jaýapkershilikke tartylǵan.