Aqtóbede tóbeles bolyp, birneshe adam aýrýhanaǵa tústi

<p>AQTÓBE. KAZINFORM — Aqtóbe qalasyndaǵy dámhanalardyń biriniń aldynda birneshe adam tóbelesip qaldy. Úsh adam kesip-tesilgen, taǵy bir adam jabyq bas jaraqatymen aýrýhanaǵa tústi.</p>

Keshe túnde Aqtóbe qalasyndaǵy Zaýyt kóshesinde ornalasqan dámhana aldynda birneshe adam tóblesip qaldy.

Oqıǵa ornyna polıtsııamen qatar jedel járdem brıgadasy da shaqyryldy. 

— Qonaqtardyń arasynda janjal týyp, bir-birimen tóbelesken. Nátıjesinde birneshe er adam túrli dene jaraqatymen aýrýhanaǵa jetkizildi. Buzaqylyq deregimen sotqa deıingi tergep- tekserý jumystary bastaldy. Qylmysqa qatysy bar tulǵalar anyqtalyp, polıtsııa bólimine jetkizildi. Qazirgi tańda oqıǵanyń mán-jaıyn anyqtaýǵa baǵyttalǵan tergeý is-sharalary júrgizilip jatyr, — dedi Aqtóbe qalalyq PB bastyǵynyń birinshi orynbasary Madııar Ákentaı. 

Polıtsııa qazirgi kezde naqty qansha adamnyń qamaýǵa alynyp, kúdikke ilingenin aıtpady.

Al oblystyq densaýlyq saqtaý basqarmasynyń habarlaýynsha, tóbeles kezinde barlyǵy 5 adam zardap shekken. 

— 31, 30, 29 jastaǵy er adamdarda kesip, tesilgen jaraqattary boldy. Olardyń birin Aqtóbe medtsına ortalyǵyna, ekinshisin Aqtóbe kópsalaly aýrýhanasyna jetkizdi. 28 jastaǵy bir adam jabyq bas-mı jaraqatyn alǵan. Sonymen birge 39 jastaǵy adam dáriger kómeginen bas tartty. Oqıǵa ornyna barlyǵy 2 brıgada bardy, — dep habarlady Aqtóbe oblystyq densaýlyq saqtaý basqarmasynyń baspasóz qyzmeti. 

Eske salsaq, Aqtóbe qalasynda qan-josa bolǵan er adamdar kópshilikti qorqytty.

Polıtsııa pyshaq jaraqaty bolmady degenmen, jedel járdem kesip-tesilgen jaraqattyń bar ekenin rastady. Onda da 4 adam dáriger kómegine júgindi.