Aqtóbede tasqynnan zardap shekkenderge 1 mlrd teńgeden astam birjolǵy tólem berildi

<p>AQTÓBE. KAZINFORM - Aqtóbede birjolǵy áleýmettik tólem retinde 3 371 otbasyna 1,1 mlrd teńge tólendi.</p>

Aqtóbe oblysynda sý tasqynynan zardap shekkenderge arnap áleýmettik tólem aýdarylyp jatyr.

- Jergilikti ókiletti organdardyń sheshimderi negizinde birjolǵy áleýmettik tólemge búgingi kúni oblys boıynsha 3371 qujat qabyldanyp, olarǵa 1,1mlrd teńge taǵaıyndalyp, tolyq tólem júrgizildi. Oblystyq jumyspen qamtýdy úılestirý jáne áleýmettik baǵdarlamalar basqarmasy men oǵan qarasty aýdandyq bólimder munymen jumysty toqtatpaq emes. Eger qarjylaı kómek týraly ótinish túsetin bolsa, tolyqtaı tekseristen soń, ony tóleıdi, - dep habarlady Aqtóbe oblysy ákiminiń baspasóz qyzmeti.

Aıta keteıik, sý tasqyny kezinde Aqtóbe qalasy men 6 aýdanda tótenshe jaǵdaı jarııaıalandy. Qazirgi kezde Yrǵyz aýdanynda tasqynǵa qarsy kúres jumysy jalǵasyp jatyr. Quılys pen Jaısańbaı aýyldarynda bógetti nyǵaıtýǵa áskerıler, tótenshe jaǵdaılar qyzmeti men aýyl turǵyndary jumyldyrylǵan. Al ózge aýdandarda tasqyn saldaryn joıý, úı salý jumysy júrip jatyr.