Aqtóbede taratý stansasynda gaz shyǵyp, eki shaǵyn aýdandy ıis jaılap ketti

<p>Aqtóbe qalasy Bereke turǵyn alaby, Batys-2 shaǵyn aýdany mańynda gaz taratý stansasynan aqaý shyqty. Túnde jarty saǵatqa jýyq ýaqyt qatty dybystan tereze áınekteri de qozǵaldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>tilshisi.</p>

Oqıǵa 9-qazan kúni saǵat 21:30 shamasynda boldy. Aqtóbe oblystyq tótenshe jaǵdaılar departamentine habarlama arada 20 mınýt ótkende jetti. Onda Bereke turǵyn úı alaby aýdanyndaǵy retteý stantsııasynda gaz jarylysy bolǵany týraly aıtylǵan. Alaıda mamandar barǵan kezde gaz qubyrynda aqaý bar ekeni anyqtaldy.

Aqtóbe oblysy ákimi baspasóz qyzmetiniń habarlaýynsha, gaz shyqqanymen, órt bolmady. Shaqyrtý ornyna «QazTransGaz aımaq» AQ qyzmetkerleri de baryp, gaz jiberip turǵan qubyrdy japty. Degenmen turǵyndarǵa gaz jetkizýde esh kedergi bolmaǵan. https://www.instagram.com/reel/CyMDX8BKcMt/?igshid=MzRlODBiNWFlZA==

Oqıǵa ornyna jedel járdem brıgadasy da barǵan. Oblystyq densaýlyq saqtaý basqarmasynyń basshysy Rústem Isaevtiń aıtýynsha, eki brıgada jiberilgenimen, jaqyn turatyn úılerden densaýlyǵyna shaǵym aıtqan adam bolmaǵan.

Aıta keteıik, Kazinform tilshisi tańerteń oqıǵa ornyna bardy. Onda qaýipti aımaqtyń qorshalǵanyn, gaz taratý stansasy mańynda qara daqtar men topyraqtyń shashylǵanyn kórdi. Ázirge jumysshy toby kórinbedi. Qubyrdan gaz shyǵýyna ne sebep bolǵany týraly bir saǵattan ótetin brıfıngte aıtalady.