Aqtóbede tanysyn bopsalaǵan kúdikti aqsha alyp jatqan jerinen ustaldy

<p>AQTÓBE. KAZINFORM &mdash; Aqtóbe oblysy Hromtaý aýdanynyń turǵyny tanysyn bopsalap, odan 5 mln teńge almaq boldy. Vıdeony taratyp jiberemin dep qorqytqan kúdikti 3 mln teńgeni alyp jatqan jerinen ustaldy.</p>

Aqtóbe oblysy PD Uıymdasqan qylmysqa qarsy kúres basqarmasynyń qyzmetkerleri bopsalap, aqsha talap etken kúdiktini ustady. Ol tanysynyń ar-namysy men qadir-qasıetine nuqsan keltiretán vıdeo taratyp jiberetinin aıtyp, qorqytqan.

— Jedel is-sharalardy ótkizý barysynda Hromtaý qalasynyń turǵynyn ustady. ​Kúdikti ar-namys pen qadir-qasıetine nuqsan keltiretin málimetterdi taratatynyn aıtyp qorqytyp, jergilikti turǵynnan 5 mln teńge bopsalaǵan. Ol jábirlenýshiden 3 mln teńge alyp jatqan kezde qolǵa tústi. Ustalǵan azamattan polıtseıler qolma-qol aqsha men uıaly telefondy tárkiledi.​ Bopsalaý faktisi boıynsha sotqa deıingi tergep-tekserý júrgizilip jatyr, — dep habarlady Aqtóbe oblystyq PD baspasóz qyzmeti.

Vıdeoǵa naqty ne túsirilgeni belgisiz. Bir anyǵy, bopsalaǵan kúdikti men jábirlenýshi bir-birin tanıdy. Ekeýi de er adam.

Aıta keteıik, Aqtóbe qalasynda jedel járdem qyzmetiniń júrgizýshisi áriptesiniń páterine baryp, ot qoıyp ketken. Sebebin eńbek demalysyna shyǵa almaǵanymen túsindirdi.