Aqtóbede taǵy suıytylǵan gaz tapshy bolyp jatyr

<p>AQTÓBE. KAZINFORM &ndash; Aqtóbe óńirine bólingen suıytylǵan gaz kólemi bir aıǵa jetpeı qaldy. Qalada gaz quıý beketterinde kezek kóbeıip, birinde baǵanyń óskeni týraly habarlama tústi.</p>

Aqtóbe oblysynda jaz aılarynda suıytylǵan gaz jetispeýshiligi jıi tirkeledi.

Oblystyq kásipkerlik basqarmasynyń basshysy Almas Salyqbaevtyń aıtýynsha, qyrkúıek aıyna 11337 tonna gaz bólý josparlansa, onyń 10591 tonnasy tasymaldandy. Ózgesi aı sońyna deıin jetkiziledi. 

- Kelesi aıdan bastap 11800 tonna bólinedi. Negizi jaz aılarynda suranys kóp bolady jyl saıyn. Ol kezde adamdar demalysqa shyǵady, qurylys qarqyndy júredi. Tutynýshy kóbeıgende, osyndaı kezdesedi. Ásirese shilde, tamyz, qyrkúıekte tirkeledi,- dedi Almas Salyqbaev.

Aıta keteıik, áleýmettik jelide suıytylǵan gazǵa kezek kóbeıgeni, stansalarda lıtri 59 teńge emes, 70 teńgeden satylyp jatqany týraly beınejazba tarady. Osydan keıin tekserý júrgizilip jatyr.

Alaıda aryz jazyp, shaǵym túsirgen adam joq. 

- Beınejazbadan soń gaz quıý stansasynyń basshylyǵyna habar berildi. Ol birer kúnde mán-jaıdy anyqtap, shara qoldanatynyn aıtty. Bul - óńirde tirkelgen ekinshi derek. Áıteke bı aýdanynda osyndaı oqıǵa boldy. Shaǵym aıtýshylar aryz jazýdan bas tartyp, is qaralmady. Munda da eshkim shaǵym aıptaı tur. Eger tutynýshy aryz túsirse, qolynda túbirtek bolsa tekserý júrgiziledi. Tipti vıdeo avtory da baılanysqa shyqpaı tur, - dedi oblystyq kásipkerlik basqarmasynyń basshysy Almas Salyqbaev. 

Buǵan deıin Aqtóbede suıytylǵan gaz tapshylyǵy boldy. Onda júrgizýshiler 2-3 saǵat kezekte turdy. Qazirgi kezde óńirde suıytylǵan gazdyń shekti baǵasy - lıtrine 59 tg.