Aqtóbede taekvondodan respýblıkalyq týrnır ótip jatyr
Aqtóbede Táýelsizdik kúnine oraı respýblıkalyq ashyq týrnır ótip jatyr. «Nur Otan» partııasynyń Aqtóbe qalalyq fılıaly uıymdastyrǵan jarysqa Astana, Atyraý qalalary men birneshe oblystyń sportshylary qatysýda. Sonymen qatar, Aqtóbe qalasynyń aýdandarynan arnaıy komanda keldi.
«Bizdiń jetistigimiz - Qazaqstan Respýblıkasynyń Táýelsizdigi. Táýelsiz memleketimizdiń Týyn sportshylarymyz shetelde jelbiretip júr. Búgingi jarysqa qatysýshylar da álemdik dodalarǵa qatysyp, el namysyn qorǵaıtynyna senim bildiremiz. Jastar sportpen shuǵyldansa densaýlyǵy myqty bolady. Al densaýlyǵy myqty urpaq aqyl-oıymen elimizdiń damýyna úles qosady»,- dedi Aqtóbe qalasynyń ákimi Іlııas Ispanov.
Aqtóbe qalasyndaǵy jarysqa barlyǵy 250 sportshy qatysyp jatyr. 2000-2011 jyldar aralyǵynda týǵan sportshylardyń alǵashqysy jeńiske jetti. Máselen, 33 keli salmaqta Áset Іzǵalıev, 45 kelide Temirlan Nazarhanuly, 49 kelide Dıas Aıymqulov birinshi oryn aldy. Arnaıy sport klýbynyń jattyqtyrýshysy Jaras Pyrmaǵambetovtyń aıtýynsha, jarys erteń jalǵasyp, jeńimpazdarǵa medaldar men kýboktar tapsyrylady.
«Memleket sportqa kóńil bólip, jańa ǵımarattar salyp jatyr. Al biz jastardy qoldaý maqsatynda únemi sporttyq jarystarǵa demeýshi bolamyz. Sebebi, bizdiń bolashaǵymyz - jastar. Jastarymyz sportpen shuǵyldansa, densaýlyǵy myqty bolady», - dedi «Mustafa Aqtóbe» sport kesheniniń ıesi Janat Nurǵalıev.